Outros premios de NL

No ámbito da normalización lingüística existen outros premios que recoñecen traxectorias individuais ou colectivas, que valoran o uso consciente e modélico da lingua en determinados ámbitos ou que galardoan traballos ou proxectos concretos. Algúns destes premios son:

Premio San Martiño de Normalización Lingüística

  • Convoca: Asociación Cultural O Bardo (A Estrada) e Concello da Estrada.
  • Convocatoria: anual.
  • Destinatarios/as: persoas e colectivos que destacan polo seu labor de promoción do idioma galego.
  • Ten tres categorías: A Estrada e Comarca de Tabeirós-Terra de Montes, Galicia enteira e labor de toda unha vida.
  • Candidaturas: son escollidas polo xurado.
  • Premio: elemento simbólico de carácter artístico, sen dotación económica.
  • Edicións: en 2018 tivo lugar a vixésimo oitava edición.

Premios de Publicidade en Galego

  • Convocan: Secretaría Xeral de Política Lingüística, Parlamento de Galicia e Foro Enrique Peinador.
  • Convocatoria: anual.
  • Destinatarios/as: empresas anunciantes, axencias de publicidade e centros educativos.
  • Ten cinco categorías: segundo o medio de difusión (radio, televisión, Internet ou prensa escrita) e un premio extraordinario para proxectos elaborados polo alumnado de centros educativos.
  • Candidaturas: preséntanas as entidades candidatas.
  • Premio: unha certificación e unha obra artística.
  • Edicións: en 2018 tivo lugar a vixésimo quinta edición.
  • Máis información: convocatoria da última edición.

Premios Lois Peña Novo

  • Convoca: Fundación Lois Peña Novo.
  • Convocatoria: anual.
  • Destinatarios/as: persoas, empresas ou entidades públicas que traballen a prol da difusión e normalización da lingua galega.
  • Entréganse anualmente tres premios.
  • Candidaturas: son escollidas polo xurado.
  • Premio: medalla e diploma, sen dotación económica.
  • Edicións: en 2019 terá lugar a vixésimo quinta edición.
  • Máis información: información sobre os premios concedidos.

Premios Manuel Beiras ao Uso do Galego na Empresa

  • Convocan: Concello de Santiago de Compostela e Cámara de Comercio de Santiago de Compostela.
  • Convocatoria: anual.
  • Destinatarios/as: empresas radicadas no concello de Santiago de Compostela, tanto as que teñen a súa sede social no municipio como as que realizan unha importante actividade nel.
  • Ten dúas categorías: empresas que veñan realizando un uso continuado da lingua galega e empresas que se incorporaran recentemente ao uso do galego. Tamén se poderá outorgar unha distinción especial a unha persoa ou entidade que destacase pola súa contribución á normalización da lingua no mundo empresarial.
  • Candidaturas: poden presentalas as propias empresas ou terceiras persoas.
  • Premio: elemento simbólico de carácter artístico, sen dotación económica.
  • Edicións: en 2018 tivo lugar a décimo novena edición.
  • Máis información: web do premio.

Premio Luísa Villalta a Iniciativas Normalizadoras

  • Convocan: Universidade da Coruña, Universidade de Santiago de Compostela e a Universidade de Vigo, en colaboración coa Secretaría Xeral de Política Lingüística.
  • Convocatoria: anual.
  • Destinatarios/as: membros da comunidade universitaria galega, así como dos seus respectivos centros adscritos.
  • Ten dúas categorías: deseño dunha campaña que desenvolva unha iniciativa orixinal e que teña como obxectivo fomentar o uso do galego no ámbito universitario e idea que explique razoadamente unha proposta cuxo obxectivo sexa fomentar o uso do galego no ámbito universitario.
  • Candidaturas: as propias persoas interesadas presentan os proxectos.
  • Premio: dotación económica e posibilidade de desenvolver a campaña ou idea premiada.
  • Edicións: en 2018 tivo lugar a décimo quinta edición.
  • Máis información: convocatoria da última edición.

Premio a Artigos Xornalísticos Normalizadores

  • Convoca: Concello de Carballo.
  • Convocatoria: anual.
  • Destinatarios/as: calquera persoa sen límite de idade ou nacionalidade.
  • Unha única categoría, aínda que poden concederse accésits.
  • Candidaturas: as propias persoas interesadas presentan os textos candidatos.
  • Premio: dotación económica e publicación en nove medios de comunicación.
  • Edicións: en 2018 tivo lugar a décimo cuarta edición.
  • Máis información: bases da última edición e relación de artigos premiados en edicións anteriores.

Premio Xoán Manuel Pintos ao Compromiso coa Lingua

  • Convoca: Concello de Pontevedra.
  • Convocatoria: bianual
  • Destinatarios/as: persoas, empresas, asociacións ou entidades de toda Galicia mais con incidencia no concello de Pontevedra.
  • Ten desde o ano 2018 tres categorías: traxectoria na promoción e normalización da lingua galega ou promoción de actividades que implicasen o espallamento da lingua galega durante os últimos dous anos; promoción e normalización da lingua galega ou de actividades que implicasen o espallamento da lingua galega dun xeito continuado ao longo da súa traxectoria profesional e/ou vital; e promoción e normalización da lingua galega ou de actividades que implicasen o espallamento da lingua galega entre as candidaturas propostas pola cidadanía.
  • Candidaturas: escólleas o xurado salvo na terceira categoría, que se elixe entre as propostas de terceiras persoas.
  • Premio: pergameo; sen dotación económica.
  • Máis información: bases da última edición.

Premio Rosalía de Castro de Lingua

  • Convoca: Deputación Provincial da Coruña.
  • Convocatoria: anual.
  • Destinatarios/as: persoas, colectivos, entidades ou asociacións de toda Galicia mais con incidencia na provincia da Coruña.
  • Ten dúas categorías: promoción da lingua galega e traballo específico cos tramos da poboación de menor idade, infancia e mocidade.
  • Candidaturas: preséntanas terceiras persoas.
  • Premio: elemento simbólico de tipo artístico e dotación económica.
  • Edicións: en 2019 ten lugar a décima edición.
  • Máis información: bases da última edición.

Premio a Proxectos de Webseries en Galego Carballo Interplay

  • Convoca: Concello de Carballo.
  • Convocatoria: anual.
  • Destinatarios/as: calquera persoa sen límite de idade ou nacionalidade.
  • Unha única categoría.
  • Candidaturas: as propias persoas interesadas presentan os proxectos candidatos.
  • Premio: dotación económica para a edición de polo menos tres capítulos da webserie.
  • Edicións: en 2018 tivo lugar a terceira edición.
  • Máis información: bases da última edición.

Premio Luís Porteiro Garea á promoción e uso do galego na USC

  • Convoca: Universidade de Santiago de Compostela.
  • Convocatoria: anual.
  • Destinatarios/as: persoas, entidades ou colectivos, tanto actuais como pasados da USC (alumnado, persoal de administración e servizos, persoal docente e investigador).
  • Unha única categoría.
  • Candidaturas: preséntanas terceiras persoas.
  • Premio: elemento simbólico de tipo artístico, sen dotación económica.
  • Edicións: en 2018 tivo lugar a segunda edición.
  • Máis información: convocatoria da última edición.

Premio Xela Arias

  • Convoca: Asociación Galega de Profesionais da Tradución e da Interpretación (AGPTI).
  • Convocatoria: anual.
  • Destinatarios/as: empresa, entidade ou persoa que destaque pola promoción da tradución ou da interpretación cara a ou desde o galego.
  • Recoñécese un único premio.
  • Candidaturas: preséntanas terceiras persoas.
  • Premio: de carácter simbólico, sen dotación económica.
  • Edicións: en 2018 tivo lugar a primeira edición.
  • Máis información: convocatoria da primeira edición.

Premio Lingua e Empresa Concello de Ames

  • Convoca: Concello de Ames.
  • Convocatoria: en 2018 tivo lugar a primeira edición con vontade de ter continuidade.
  • Destinatarios/as: empresas que teñan a súa sede social ou un centro de actividade no municipio de Ames.
  • Recoñécese un único premio.
  • Candidaturas: poden presentalas as propias empresas ou terceiras persoas.
  • Premio: con dotación económica e campaña de difusión da empresa gañadora na Radio Municipal de Ames.
  • Edicións: en 2018 tivo lugar a primeira edición.
  • Máis información: bases da primeira edición.

I Premio Ponteareas, Lingua e Empresa

  • Convoca: Concello de Ponteareas.
  • Convocatoria: en 2019 tivo lugar a primeira edición.
  • Destinatarios/as: empresas, autónmos e profesionais que teñan a súa sede social ou un centro de actividade no municipio de Ponteareas.
  • Ten tres categorías: uso continuado da lingua galega, incorporación recente ao uso da lingua galega e traxectoria do uso da lingua galega ao longo de décadas.
  • Candidaturas: poden presentalas as propias empresas ou terceiras persoas.
  • Premio: distinción pública, elemento simbólico de carácter artístico, sen dotación económica.
  • Edicións: en 2019 tivo lugar a primeira edición.
  • Máis información: información e bases da primeira edición.