Dous dos principais elementos que caracterizan a un pobo son a lingua e os seus costumes, que xuntos configuran a súa cultura e a súa identidade. Por este motivo, planificar a dinamización do galego nunha das actividades máis tradicionais que se desenvolven dentro da súa comunidade, como é a gastronomía, é fundamental para alcanzarmos a normalización da nosa lingua en todos os ámbitos sociais. Precisamente desta idea, nace Media Laranxa coa finalidade de proporcionar ao grande publico a través das redes sociais as bases para traballar na promoción e no desenvolvemento de estratexias que reforcen o galego non só no ámbito culinario, senón tamén cultural.