Novas

Esta nova edición dos Premios Mil Primaveras recoñeceu catro proxectos: Asociación Faladoiros Vigo (un proxecto de fomento da oralidade en galego creando espazos de confianza), Caranvexo TV (un recurso colectivo para fomentar a lingua a través do audiovisual), Laboratorio de Apoderamento Lingüístico (un programa piloto para reflexionar e traballar o conflito lingüístico entre a mocidade) e Na Utopía (unha plataforma de obradoiros en liña que ofrece contidos variados na nosa lingua).

O 31 de xaneiro, ás 23.59 h, finalizou o prazo para presentar proxectos, campañas, accións ou programas de normalización lingüística á cuarta edición dos Premios Mil Primaveras a proxectos de posta en valor e fomento do galego. Inscribíronse un total de 35 candidaturas de servizos de normalización lingüística, equipos de normalización e dinamización da lingua galega, asociacións e outras entidades.

A Coordinadora de Traballadores/as de Normalización da Lingua convoca os IV Premios Mil Primaveras a proxectos de posta en valor e fomento do galego (2022) co obxectivo de recoñecer e proxectar o traballo ben feito no ámbito da normalización lingüística, valorar e difundir proxectos positivos e seleccionar boas prácticas que poden servir como modelos.

O pasado sábado, 11 de xuño, celebramos na Igrexa do Convento de Santa Clara de Pontevedra o acto de entrega da terceira edición dos Premios Mil Primaveras, convocados pola CTNL coa colaboración da Deputación Provincial de Pontevedra e o Concello de Pontevedra.

A Igrexa do Convento de Santa Clara de Pontevedra acolle o sábado 11 de xuño ás 11.30 horas o acto de entrega da terceira edición dos Premios Mil Primaveras. O evento, conducido por María da Pontragha, conta coa colaboración do Concello de Pontevedra e da Deputacion Provincial de Pontevedra.

Do berce á rúa (como proxecto estabilizado), CantáMOLA en galego (como proxecto novo), Twitter en galego e Instagram en galego (pola súa comunicación e impacto), Somos xogo (como programa máis innovador), Dicionario galego para boomers (como proxecto destinado á infancia e mocidade) e Media Laranxa (como proxecto dun ámbito sectorial) son os proxectos recoñecidos na edición de 2021 dos Premios Mil Primaveras.

O pasado luns, ás 23.59 h, finalizou o prazo para presentar proxectos, campañas, accións ou programas de normalización lingüística á terceira edición dos Premios Mil Primaveras a proxectos de posta en valor e fomento do galego. Inscribíronse un total de 23 candidaturas de servizos de normalización lingüística, equipos de normalización e dinamización da lingua galega, asociacións e outras entidades.

Desde a Coordinadora de Traballadores/as de Normalización da Lingua convocamos a terceira edición dos Premios Mil Primaveras a proxectos de posta en valor e fomento do galego co obxectivo de recoñecer e proxectar o traballo ben feito no ámbito da normalización lingüística, valorar e difundir proxectos positivos e seleccionar boas prácticas que poden servir como modelos. Estes premios creáronse en 2019 e nas dúas edicións anteriores recoñeceron trece proxectos de normalización da lingua.
 

A Asociación Galega de Profesionais da Tradución e da Interpretación (AGPTI) convocou no mes de xullo o IV Premio Xela Arias, co cal busca recoñecer empresas, entidades ou persoas que contribúan á promoción do uso do galego no mercado da tradución e da interpretación (desde ou cara ao galego) en todos os sectores económicos.

Os Premios Rosalia de Castro de Lingua na súa décimo segunda edición recoñeceron o debuxante Xaquín Marín (como persoa que destaca na promoción da lingua galega), a Agrupación Astronómica Coruñesa Ío (na categoría de entidades que destacan na promoción da lingua) e a iniciativa Twitter en Galego (na categoría de proxecto concreto que incide na mocidade).