Novas

A Asociación Galega de Profesionais da Tradución e da Interpretación (AGPTI) convoca a segunda edición do Premio Xela Arias, que recoñece empresas, entidades ou persoas que destaquen pola promoción da tradución ou da interpretación cara a ou desde o galego.

Xa se poden consultar no web os proxectos recoñecidos na primeira edición dos Premios Mil Primaveras: Modelo Burela (como proxecto estabilizado), Falemos de ti e min (como proxecto novo), Desafío 48 h (pola súa comunicación e impacto), Youtubeir@s (como proxecto máis innovador), Eu presumo de galego (como proxecto destinado á mocidade) e GCiencia (como proxecto dun ámbito sectorial).

O Concello de Ponteareas crea o Premio "Ponteareas, lingua e empresa", para recoñecer e promover o uso do galego no ámbito empresarial.

Modelo Burela (como proxecto estabilizado), Falemos de ti e min (como proxecto novo), Desafío 48 h (pola súa comunicación e impacto), Youtubeir@s (como programa máis innovador), Eu presumo de galego (como proxecto destinado á mocidade) e GCiencia (como proxecto dun ámbito sectorial) son os primeiros Premios Mil Primaveras a proxectos de posta en valor e fomento do galego.

O Premio Rosalia de Castro de Lingua na súa décima edición recoñeceu o portal xornalístico de divulgación científica GCiencia (categoría xeral) e o proxecto 21 Días co Galego, agora ampliado a 21 Días co Galego e máis (categoría de traballo específico coa infancia e a mocidade).

A Fundación Lois Peña Novo deu a coñecer as persoas que se recoñecerán este ano na vixésimo quinta edición dos Premios Lois Peña Novo: Manuel Bermejo Patiño, profesor emérito da USC, Paz Filgueira Paz, maxistrada, e Carlos Salgado López, profesor da USC.

O pasado 17 de maio finalizou o prazo para presentar proxectos, campañas, accións ou programas de normalización lingüística aos Premios Mil Primaveras a proxectos de posta en valor e fomento do galego. Tras o período de inscricións recibíronse un total de 47 candidaturas de servizos de normalización lingüística, equipos de normalización e dinamización da lingua, asociacións e entidades privadas.

Desde a Coordinadora de Traballadores/as de Normalización da Lingua creamos e convocamos os Premios Mil Primaveras a proxectos de posta en valor e fomento do galego co obxectivo de recoñecer e proxectar o traballo ben feito no ámbito da normalización lingüística, valorar e difundir proxectos positivos e seleccionar boas prácticas que poden servir como modelos.
 

A Deputación da Coruña publicou no BOP de hoxe a convocatoria da décima edición do premio “Rosalía de Castro” de Lingua. O obxectivo xeral deste galardón é recoñecer a promoción e dignificación desinteresada do noso patrimonio lingüístico. O prazo para presentar candidaturas finaliza o 30 de maio.

O xurado do II Premio Luís Porteiro Garea á promoción e uso do galego na Universidade de Santiago decidiu concederllo por unanimidade ao profesor emérito Xosé Antón Gómez Segade, catedrático de Dereito Mercantil da USC.